अमळनेर: पोलीस वृत्त ऑनलाईन शहरातील शाह आलम नगर परिसरात शुक्रवारी (दि. २७) रात्री सुमारे सव्वा नऊ वाजेच्या सुमारास घडलेल्या धक्कादायक घटनेत एका तरुणाचा गोळी लागून मृत्यू झाला. अरुण सुरेश महाजन असे मृत तरुणाचे नाव आहे.
प्राथमिक माहितीनुसार, गावठी कट्टा हाताळत असताना घटना घडल्याचे समोर येत आहे. घटनेमुळे परिसरात एकच खळबळ उडाली असून नागरिकांमध्ये भीतीचे वातावरण निर्माण झाले आहे.
घटनेची माहिती मिळताच पोलीस निरीक्षक दत्तात्रय निकम यांनी तात्काळ पथकासह घटनास्थळी धाव घेतली. नेमकी घटना कशी घडली याबाबत सखोल चौकशी सुरू आहे.
