अमळनेर : पोलीस वृत्त : मोटरसायकल ,कार आणि एस टी च्या तिहेरी अपघातात पाच जण ठार झाल्याची घटना ९ रोजी सकाळी सात वाजेच्या सुमारास अमळनेर धुळे रस्त्यावर मंगरूळच्या पुढे हॉटेल वृंदावन जवळ घडली.
मोटरसायकल क्रमांक एम एच १८ , सी ८७१९ , आणि एस टी बस एम एच १३ सी यु ७५४० ही तिन्ही वाहने अमळनेर कडून धुळ्याकडे जात असताना समोरून धुळ्याकडून येणारी कारचार चाकी जी जे १९ ,ए एफ ३१४७ यांची एस टी आणि मोटरसायकलला जोरात धडक लागली. मोटरसायकल चा चेंदामेंदा होऊन धरणगाव येथील मोटरसायकल स्वार जागीच ठार झाला तसेच चार चाकीतील महिला आणि पुरुष असे एकूण पाच जण जागीच ठार झाले आहे. गुजरात व्यारा येथील आदित्य चंद्रकांत महाजन , अनिता सुरेश महाजन , निर्मला नंदलाल महाजन , नंदलाल गोपाल महाजन , सुरेश विक्रम महाजन हे साखरपुड्यासाठी अमळनेर येथे येत होते.
११२ ची तत्पर कारवाई
११२ डायल करताच अपघाताचे वृत्त कळताच पोलीस निरीक्षक दत्तात्रय निकम हेडकॉन्स्टेबल कैलास शिंदे ,रवी पाटील, पोलीस पाटील भागवत पाटील हजर झाले. जखमींना १०८ रुग्णवाहिकेने उपचारसाठी रवाना केले तर एक लहान मुलगा चार चाकीत अडकून पडला होता. एस टी मधील दीपक दिलीप पाटील जखमी झाला. गावकरी , पोलीस आणि एस टी कर्मचारी यांच्या मदतीने त्याला बाहेर काढण्यात आले. मृतांचे शव विच्छेदनसाठी ग्रामीण रुग्णालयात रवाना करण्यात आले.
