अमळनेर : पोलीस वृत्त न्यूज एका प्रेमी युगुलाने एकाच झाडाला एकाच दोराने गळफास घेऊन आत्महत्या केल्याची घटना १ रोजी दुपारी अडीच वाजेच्या सुमारास देवगाव देवळी येथे उघडकीस आली.
दिनेश बद्री पावरा वय २२ रा हिंगोणे – जळोद व अश्विनी गोकुळ भिल वय १६ – वर्षे ११ महिने असे आत्महत्या करणाऱ्यांची नावे आहेत. दिनेश हा जळोद – येथे वाळू वाहतूक करणाऱ्या ट्रॅक्टर वर – काम करत होता तर अश्विनी ही देवगाव देवळी येथे मजुरी करत होती. देवळी – येथील आयटीआय कॉलेज च्या मागे असलेल्या निंबाच्या झाडाला उंचावर एक युवक आणि युवती गळफास घेतलेल्या अवस्थेत लटकलेले दिसले. देवळी च्या पोलीस पाटलांनी अमळनेर पोलीस स्टेशनला घटना कळवल्यावर डीवायएसपी विनायक कोते, पोलीस निरीक्षक दत्तात्रय निकम सहाय्यक पोलीस निरीक्षक रवींद्र पिंगळे हेडकॉन्स्टेबल संतोष नागरे, उदय बोरसे यांनी भेट दिली..
.
ग्रामस्थ सरसावले
गावकऱ्यांच्या मदतीने दोघांचे शवं खाली उतरवण्यात आले. त्यावेळी मुलीच्या गळ्यात मंगळसूत्र आणि कपाळाला कुंकू लावल्याचे दिसून आल्याचे पोलिसांनी सांगितले. त्यामुळे या दोघांमध्ये प्रेमाचा संबंध असावा आणि त्यांनी ३० रोजी रात्रीच आत्महत्या केली असावी. दोघांचे शव विच्छेदनसाठी ग्रामीण रुग्णालयात दाखल करण्यात आले आहे. मुलीचे मामा मनोज शांताराम मोरे यांनी अमळनेर पोलीस स्टेशनला अकस्मात मृत्यूची नोंद करण्यात आली आहे. तपास पोलीस उप निरीक्षक नामदेव बोरकर करीत आहेत.
