शहादा: पोलीस वृत्त ऑनलाईन– तालुक्यातील सारंगखेडा येथील यात्रेनिमित्त दारू वाहतूक करून देण्याच्या मोबदल्यात दहा हजाराची लाच स्वीकारताना पोलीस निरीक्षकासह चालक शिपायास नाशिक लाचपत प्रतिबंधक विभागाच्या पथकाने रंगेहात पकडले आहे. तक्रारदार या सारंखेडा येथे यात्रेनिमित्त दारू वाहतुकीचच्या व्यवसाय करावयाच्या असल्याने सारंगखेडा पोलीस ठाण्यातील पोलीस निरीक्षक संदीप उत्तमराव पाटील वय 44 व चालक पोलीस शिपाई गणेश भामट्या गावित वय 38 यांनी तक्रारदार करून 21 हजार रुपयेची मागणी केली होती. तडजोडीअंती दहा हजार रुपये इतकी रक्कम देण्यात ठरले होते. यादरम्यान तक्रारदारांनी नाशिक लाच लुचपत प्रतिबंधक विभागाशी संपर्क साधला. ठरल्याप्रमाणे पोलीस शिपाई गणेश गावीत यास दहा हजाराची लाच स्वीकारत असताना लाच लुचपत प्रतिबंधक विभागाच्या नाशिक येथील पथकाने रंगे हात पकडले आहे. सदरच्या कारवाईने पोलीस वर्तुळात एकच खळबळ उडाली आहे.ऐन वेळी यात्रे उत्सवात सारंगखेडा पोलीस निरीक्षकच एसीबीच्या कारवाईत अडकल्याने चर्चांना उधाण आले आहे. सदरची कारवाई नाशिक परिक्षेत्राचे पोलीस अधीक्षक शर्मीष्ठा घारगे वालावकर अप्पर पोलीस अधीक्षक माधव रेड्डी पोलीस उपअधीक्षक नरेंद्र पवार यांच्या मार्गदर्शनाखाली सापळा अधिकारी पोलीस निरीक्षक परशुराम कांबळे यांच्यासह सापळा पथकातील पोलीस हेड कॉन्स्टेबल सचिन गोसावी , प्रफुल्ल माळी यांच्या पथकाने केली आहे.
