अतिवृष्टीमुळे शेतीचे मोठे नुकसान झालेल्या शेतकऱ्यांसाठी आनंदाची बातमी आहे. राज्यातील शिंदे-फडणवीस सरकारने नुकसान भरपाईच्या रकमेत प्रति हेक्टर दुपटीने वाढ करण्याचा निर्णय घेतला आहे.
किती मिळणार भरपाई?
जिरायत पिकाच्या नुकसानीसाठी 6800 रुपयांऐवजी, आता 13,600 रुपये, तर बागायती पिकांच्या नुकसानीसाठी 13,500 रुपयांऐवजी आता 27 हजार रुपये भरपाई मिळणार आहे – असा निर्णय महसूल व वन विभागाने जाहीर केला आहे
तसेच बहुवार्षिक पिकाच्या नुकसानीसाठी 18 हजार ऐवजी 36 हजार रुपये भरपाई मिळणार. याशिवाय, राज्य सरकारने नुकसानीची मर्यादाही वाढवली आहे. त्यामुळे आता दोन ऐवजी तीन हेक्टरपर्यंत मदत मिळणार आहे.
राज्य विधी मंडळाच्या येत्या हिवाळी अधिवेशनात या निधीची तरतूद करण्यात येईल. त्यानुसार हा निधी शासन आदेशाप्रमाणे वितरित करण्याचे आदेश दिले जाणार आहेत , असेही राज्य सरकारने म्हटले आहे
