अमळनेर : शहरातील नगरपरिषदेचे मुख्याधिकाऱ्यांना वार्ड क्र.११ समस्या संदर्भात निवेदन देण्यात आले होते की शहरातील पानखिडकी वार्ड क्र.११ प्रभाग-अ मध्ये मोठ्या प्रमाणात घाणीचे साम्राज्य झाले असून संपूर्ण परिसरात दुर्गंधी पसरू लागले होते तसेच मोकाट गुरे व डुकरांनी साचलेले घाण पसरवल्यामुळे डासांचा देखील उपद्रव वाढू लागला होता. पानखिडकी वार्ड क्र.११ प्रभाक अ मधील नागरिकांना डेंगू व मलेरिया सारख्या साथींच्या आजाराची लागण होण्याची भीती होती म्हणून या गोष्टी गांभीर्यात घेऊन नगरपरिषदेत मनसेने धाव घेत मनसे कार्यकर्त्यांनी मुख्याधिकारी याबाबत निवेदन देण्यात दिले.
सदर परिसरातील साफसफाई लवकरात लवकर करून त्याची विल्हेवाट करुन वार्ड स्वच्छ करावा व येणाऱ्या रुग्णाला आळा घालावा. याबाबतचे निवेदन मनसे तालुकाध्यक्ष संदीप पाटील (काटे) शहराध्यक्ष धनंजय साळुंखे उप तालुकाध्यक्ष रवी भाऊ पाटील शहर सचिव निलेश भावसार सुनील भाऊ पाटील शिवाजी साळुंखे व मनसे सैनिक उपस्थित होते
याबाबत मनसे कार्यकर्त्यांनी दिलेल्या निवेदनाची अमळनेर नगर परिषदेने तात्काळ काही तासात दखल घेत. संपूर्ण परिसर स्वच्छ करत दुर्गंधी मुक्त परिसरात चकाकी निर्माण झाली. याबाबत परिसरातील सर्व नागरिकांनी आवाज उठवणाऱ्या माणसाचे व काम करणाऱ्या नगरपरिषदेचे आभार मानले.
