अमळनेर:- तालुक्यातील एक धक्कादायक घटनासमोर आली आहे. लोण शिवारात वावडे येथील एकाने गळफास घेवून आत्महत्या केले आहे.
याबाबत सविस्तर माहिती अशी की, वावडे येथील दिलीप भाईदास मैराळे (वय ३३) याने काल १४ डिसेंबर रोजी संध्याकाळी ५ वाजेच्या सुमारास लोण बू. शिवारात रोडच्या बाजूला शेतात चिंचेच्या झाडाला वायरने गळफास लावल्याची माहिती मिळाल्याने गावातील लोक धाव घेत त्याठिकाणी पोहचले. काही नागरिकांची त्यास खाली उतरवून अमळनेर ग्रामीण रुग्णालयात दाखल केले असता डॉक्टरांनी मृत घोषित केले. मयत दिलीप मैराळे याचा बँडचा व्यवसाय होता व कुणाल म्युझिक नावाने तो ग्रामीण भागात चांगलाच परिचित झाला होता. आत्महत्येचे कारण अद्याप स्पष्ट झालेले नसून दिलीप पाटील यांच्या फिर्यादीवरून मारवड पोलीसात अकस्मात मृत्यूची नोंद करण्यात आली आहे. या घटनेने संपूर्ण परिसरात हळहळ व्यक्त होत आहे. पुढील तपास पोलीस करीत आहेत.
