अमळनेर : पोलीस वृत्त ऑनलाईन उच्च शिक्षण क्षेत्रात गेल्या काही वर्षांत मोठे बदल होत असून पारंपरिक शिक्षणासोबतच कौशल्याधारित आणि रोजगाराभिमुख अभ्यासक्रमांना विद्यार्थ्यांची पसंती मिळत आहे. व्यवस्थापन, संगणक अनुप्रयोग आणि हॉस्पिटॅलिटी क्षेत्रातील शिक्षणासाठी विद्यार्थ्यांचा वाढता कल दिसून येत असून प्रवेश प्रक्रियेदरम्यान विविध शैक्षणिक संस्थांमध्ये चौकशीचे प्रमाण वाढले आहे.
जळगावातील गोदावरी इन्स्टिट्यूट ऑफ मॅनेजमेंट अँड रिसर्च ही संस्था गेल्या पंचवीस वर्षांपासून उच्च शिक्षण क्षेत्रात कार्यरत असून उत्तर महाराष्ट्रातील विद्यार्थ्यांसाठी व्यवस्थापन व व्यावसायिक शिक्षणाची संधी उपलब्ध करून देत आहे. बदलत्या शैक्षणिक धोरणांनुसार आणि उद्योग क्षेत्राच्या गरजेनुसार अभ्यासक्रमांची अंमलबजावणी करण्यावर संस्थेचा भर राहिला आहे.
सध्या व्यावसायिक शिक्षणाची मागणी वाढल्याने विद्यार्थी आणि पालकांकडून करिअरविषयक मार्गदर्शनासाठी विविध संस्थांमध्ये संपर्क साधला जात आहे. विशेषतः रोजगाराच्या संधी, कौशल्य विकास आणि उच्च शिक्षणाच्या पर्यायांबाबत विद्यार्थ्यांमध्ये जागरूकता वाढल्याचे दिसून येत आहे.
शैक्षणिक गुणवत्तेबरोबरच विद्यार्थ्यांच्या सर्वांगीण विकासासाठी प्रयत्न करणे आवश्यक असल्याचे मत शिक्षण क्षेत्रातील तज्ज्ञ व्यक्त करत आहेत. त्यानुसार विद्यार्थ्यांनी आपल्या आवडीनिवडी आणि करिअरच्या संधी लक्षात घेऊन अभ्यासक्रमांची निवड करावी, असे आवाहन गोदावरी इन्स्टिट्यूट ऑफ मॅनेजमेंट अँड रिसर्चचे प्राचार्य व संचालक डॉ. प्रशांत एस. वारके यांनी केले.
