धरणगाव (प्रतिनिधी) तालुक्यातील एक खळबळजनक घटना समोर आली आहे. रेल येथे एका ७० वर्षीय वृद्ध महिलेला मारहाण करून कान कापून कानातील ८ ते १० ग्रॅम वजनाचे सोन्याचे किल्लू आणि रोकड चोरून नेल्याची घटना उघडकीस आली आहे. धरणगाव पोलिसात या प्रकरणी अज्ञात चोरट्यांविरुद्ध गुन्हा दाखल करण्यात आला आहे.
सविस्तर वृत्त असे की असे की, २९ डिसेंबर रोजी रात्री विमलबाई श्रीराम पाटील (vimalbai shriram Patil) (वय ७०, रा. रेल ता. धरणगाव) ह्या घराच्या वरील पत्री शेडमध्ये एकटी झोपलेल्या होत्या. त्यावेळी अज्ञात चोरट्याने त्यांच्या कानातील ८ ते १० ग्रॅम वजनाचे सोन्याचे किल्लु कान कापून तसेच डोक्यावर व तोंडावर दुखापत करुन चोरुन नेले. सकाळचे ९ वाजले तरी आजी खाली उतरली नाही म्हणून शेजारची महिला वर बघायला गेल्या तेव्हा आजी रक्तबंबाळ अशा अवस्थेत पडल्या होत्या
घटनेची माहिती कळताच निलेश मच्छिंद्र पाटील ( नातू) (रा. पिंप्री ता. धरणगाव) घटनास्थळी पोहचले. यानंतर त्यांच्या फिर्यादीवरून अज्ञात चोरट्याविरुद्ध गुन्हा दाखल करण्यात आला आहे. दरम्यान, आजी जवळ साधारण ५० हजाराची रोकड असल्याचे देखील निलेश पाटील यांनी सांगितले. घटनास्थळी अपर पोलीस अधीक्षक चंद्रकांत गवळी, अपर पोलीस अधीक्षक रमेश चोपडे. चोपडा विभागीय अधिकारी कृषीकेश रावले, अमळनेर विभागीय अधिकारी राकेश जाधव, पोलीस निरीक्षक राहुल खताळ यांनी भेट दिली. तर पुढील तपास स.पो.नि. गणेश बुवा हे करीत आहेत.
