अमळनेर : तालुक्यातील मंगरूळ येथील किरण दगडू पाटील (वय २७) या तरुणाने आज सकाळी सहाच्या सुमारास गावाजवळील शेतात निंबाच्या झाडाला गळफास घेऊन आत्महत्या केली. ही घटना हरिदास विक्रम पाटील यांच्या शेतात घडली. या घटनेची माहिती मंगरूळ येथील पोलीस पाटील यांनी दिली.
किरण हा शेतीकामासह शेतमजुरी करून उदरनिर्वाह करीत होता. त्याच्या पश्चात आई-वडील व मोठा भाऊ असा परिवार आहे. त्याने आत्महत्या का केली, याचे कारण अद्याप स्पष्ट झालेले नसून घटनेमुळे गावात हळहळ व्यक्त होत आहे.

