पारोळा : नॅशनल ह्यूमन राईट्स अँड अँटी करप्शन सोशल जस्टीस फाउंडेशन (राष्ट्रीय मानवाधिकार एवं भ्रष्टाचार विरोधी सामाजिक न्याय फाउंडेशन) यांच्या वतीने २ ऑगस्ट २०२६ रोजी आयोजित राज्यस्तरीय पुरस्कार सोहळ्यात अंबापिंप्री (ता. पारोळा, जि. जळगाव) येथील पोलीस पाटील मनोजकुमार रतन वानखेडे यांना ‘राज्यस्तरीय आदर्श पोलीस पाटील पुरस्कार’ प्रदान करून गौरविण्यात आले.
पोलीस पाटील म्हणून कार्यरत असताना गावात शांतता, सुव्यवस्था व सामाजिक सलोखा कायम राखण्यासाठी त्यांनी केलेले उल्लेखनीय कार्य तसेच कायदा व सुव्यवस्था राखण्याच्या कामात पोलिसांना दिलेले सातत्यपूर्ण सहकार्य याची दखल घेत हा सन्मान प्रदान करण्यात आला.
पुरस्कार वितरण सोहळ्यास फाउंडेशनचे संस्थापक व राष्ट्रीय अध्यक्ष अशोक पवार, महाराष्ट्र प्रदेशाध्यक्ष प्रफुल पाटील, राष्ट्रीय जनरल सेक्रेटरी किरीट पटेल, निवृत्त उपविभागीय पोलीस अधिकारी (डीवायएसपी) वासुदेव देसले, शिवव्याख्याते सचिन देवरे तसेच फाउंडेशनचे पारोळा तालुकाध्यक्ष भास्कर पाटील यांची प्रमुख उपस्थिती होती.
राज्यस्तरीय पुरस्काराने सन्मानित झाल्याबद्दल मनोजकुमार वानखेडे यांचे बापूसो. अशोक नगराज पाटील (माजी उपसभापती, पारोळा पंचायत समिती), ग्रामपंचायतीचे सरपंच, उपसरपंच, ग्रामस्थ, समाजबांधव तसेच मित्रपरिवाराने प्रत्यक्ष भेटून अभिनंदन केले व पुढील वाटचालीस शुभेच्छा दिल्या.
