अमळनेर: पोलीस वृत्त न्यूज: मुलांच्या अपहरणाचा रील बनवण्याचा प्रकार अमळनेरात घडला असून तो तरुणांना चांगलाच महागात पडला आहे.
शहरातील शिवाजी बगिच्याजवळ तिघांनी रुमाल बांधून मुलांचे अपहरण करण्याचा बनावट प्रकार करताच लोकांनी त्यांना पकडले. मुलं घाबरून पळून गेल्यानंतर एक तरुण पाय घसरून पडला. त्यानंतर लोकांनी पोलिसांना खबर दिली.
पोलिस निरीक्षक दत्तात्रय निकम यांच्या मार्गदर्शनाखाली पथकाने सीसीटीव्ही फुटेज तपासून तिघांना ताब्यात घेतले. चौकशीत त्यांनी कबूल केले की, “आम्ही फक्त रील बनवत होतो, पण मुलं घाबरल्याने गोंधळ उडाला.”
पोलिसांनी तिघांना समज देऊन सोडून दिले.
“पालकांनी आपल्या मुलांची माहिती ठेवावी. ते कुठे जात आहेत, काय करत आहेत हे जाणून घ्यावे. मोबाईलवर लक्ष ठेवावे. अन्यथा मुले नकळत गुन्हेगार ठरू शकतात किंवा खोट्या गुन्ह्यात अडकू शकतात.” – दत्तात्रय निकम, पोलिस निरीक्षक, अमळनेर
