जळगाव: पोलीस वृत्त न्यूज मेहरुण बगीचा परिसरात जळगाव एलसीबीच्या पथकाने सापळा रचून एमडी ड्रग्स विक्री करणाऱ्या एका व्यक्तीला पकडले आहे. दुपारी सुमारास ३ वाजेच्या सुमारास पोलिसांनी कारवाई केली, ज्यात एक आरोपी पळून जात गेला. या प्रकरणी एमआयडीसी पोलीस ठाण्यात गुन्हा नोंदवण्यात आला आहे.
जळगाव जिल्हा पोलीस अधीक्षक डॉ. महेश्वर रेड्डी यांनी विशेष मोहीम हाती घेऊन ड्रग्स माफियांवर कारवाई करण्याचे आदेश दिले होते. एलसीबीचे निरीक्षक राहुल गायकवाड यांच्या पथकाने गोपनीय माहितीच्या आधारे मेहरुण बगीचातील जे.के. पार्क जुन्या स्विमिंग टँकजवळ सापळा रचून छापा टाकला. यामध्ये मोहम्मद हनीफ पटेल (वय ३५, रा. मास्टर कॉलनी) यास पकडले, तर दुसऱ्या आरोपीने पळ काढला.
पोलिसांनी मोहम्मद हनीफ पटेलकडून ६ ग्रॅम एमडी ड्रग्स पावडर (सुमारे ६० हजार रुपये मूल्य), दोन मोबाईल फोन असा एकूण ८२ हजारांचा मुद्देमाल जप्त केला. हा गुन्हा पोलीस हवालदार अक्रम शेख यांच्या फिर्यादीवरून एमआयडीसी पोलीस ठाण्यात नोंदवण्यात आला आहे. पुढील तपास पोलीस उपनिरीक्षक चंद्रकांत धनके आणि कर्मचारी योगेश घुगे करत आहेत.
