अमळनेर : पोलीस वृत्त ऑनलाईन: शिरूड ग्रामपंचायत येथे पार पडलेल्या आजच्या ग्रामसभेत सरपंच, उपसरपंच, ग्रामसेवक आणि फक्त दोन-तीन सदस्य उपस्थित होते. बाकी सदस्य गैरहजर राहिल्याने ग्रामसभा विरळच भरली, अशी चित्रे दिसून आली.
गावातील विकासकामे आणि जनतेच्या अडचणी या महत्त्वाच्या विषयांवर चर्चा व्हावी अशी अपेक्षा असतानाही सदस्यांच्या अनुपस्थितीमुळे निर्णय प्रक्रियेला आवश्यक वेग मिळत नाही, अशी ग्रामस्थांची नाराजी आहे.
ग्रामस्थांचा सवाल:
“निवडणुकीच्या वेळी चढाओढ असते, पण जबाबदारीची वेळ आल्यावर सदस्य ग्रामसभेत दिसतच नाहीत; मग हा लोकशाहीचा कोणता खेळ आहे?”
यामुळे गावकऱ्यांमध्ये संताप पसरला असून, नियमित अनुपस्थित राहणाऱ्या सदस्यांविरोधात काय करायचं? असा प्रश्न उभा आहे
ग्रामसभेत ग्रामस्थांची उपस्थिती असूनही, ग्रामपंचायत सदस्यांची गैरहजेरीच ठळक ठरली!
