जळगाव: पोलीस वृत्त ऑनलाईन: ग्रामीण भागातील बहुतांश कुटुंब शेती व रोजगारावर अवलंबून असते शिक्षित मुलांना मुलगी मिळणे अवघड झाले आहे. लग्नासाठी मुलगी मिळेल पण त्यासाठी पालकांच्या अपेक्षा मोठ्या प्रमाणात वाढल्या असून सख्खा मामा सुद्धा आपल्या भाच्याला मुलगी देऊ शकत नाही अशी बिकट परिस्थिती निर्माण झाली आहे. याबाबत एक तरुणाचा जोरदार व्हिडिओ सध्या सोशल मीडियावर व्हायरल झाला असून मामावर तरुणाने व्हिडिओच्या माध्यमातून जोरदार टोलेबाजी केली आहे
जळगाव जिल्ह्यातील भडगाव तालुक्यातील महिंदळे गावातील अशोक राजेंद्र पाटील हा तरूण शेतात आपल्या बायको सोबत तुर दाने काढतांना दोघेजण जोडीने तूर ठोकताना एक विडिओ स्वतःच्या इंस्टाग्राम अकाउंट वर अपलोड केला आहे. व्हिडिओ जोरदार व्हायला झाला असुन शेतात चांगल्या प्रकारे तुरीचे उत्पन्न झाल्यामुळे मामाने तुर मागितली व तरुणाने व्हिडिओच्या माध्यमातून अहिराणी भाषेत मामाला टोमणा दिला आहे. लग्न करण्याच्या वयात जेव्हा मामाकडून लग्नाची अपेक्षा करत मुलगी मागितली होती त्यावेळेस मामाने नकार दिला होता. तर आज माझ्या कष्टातून दिवस रात्र मेहनत केल्यावर शेतातून पिकलेली तूर मागीतली असताना मी तुला देणार कशी अशी मामावर टोलेबाजी या तरुणाने व्हिडिओच्या माध्यमातून मारली असून सध्या हा व्हिडिओ सोशल मीडियावर चांगल्या प्रकारे व्हायरल झाला आहे. हा व्हिडिओ आपल्याला अशोक पाटील या नावाच्या तरुणाच्या इंस्टाग्राम अकाउंट वर देखिल पाहायला मिळेल हा या तरुणाने बारावीपर्यंत शिक्षण घेतले असुन आयटीआय देखील केलेला आहे. तरूण सध्या शेती व्यवसायाकडे वळाला असुन शेती व्यवसाया बरोबर जोडधंदा म्हणून दूध व्यवसाय देखील करत आहे. सध्या तरुणाची सोशल मीडियावर जोरदार चर्चा सुरू आहे.
