आरोग्य विभागाने दिलेल्या माहितीनुसार, राज्याच्या सार्वजनिक आरोग्य विभागाच्या सर्व शासकीय रुग्णालयात रुग्णांना देण्यात येणाऱ्या सर्व प्रकारच्या वैद्यकीय सेवा आता मोफत उपलब्ध होणार आहेत.
येत्या स्वातंत्र्यदिनी अर्थात १५ ऑगस्टपासून याचा लाभ रुग्णांना घेता येणार, अशी माहिती आरोग्य मंत्री तानाजी सावंत यांनी दिली. आर्थिक दुर्बल घटकातील नागरिकांना म्हणजे ज्यांना केवळ सरकारी रुग्णालयांमध्येच उपचार घेणं परवडतं अशा नागरीकांना निःशुल्क उपचार मिळावेत यासाठी आरोग्य मंत्री तानाजी सावंत यांनी हा निर्णय घेतला आहे, अशी माहिती आरोग्य विभागाकडून देण्यात आली आहे.
