“आई टायपिस्ट, वडील दुकानदार; पण मुलगी ठरली करमाळ्याची ‘लेडी सिंघम’”
केरळच्या अंजना कृष्णा यांनी यूपीएससी परीक्षेत यश मिळवले असून सध्या त्या महाराष्ट्र राज्यातील सोलापूर जिल्ह्यातील करमाळा येथे उपविभागीय पोलीस अधिकारी (डीएसपी) म्हणून कार्यरत आहेत. शिक्षण आणि मेहनतीच्या जोरावर त्यांनी हे यश संपादन केले आहे. उपमुख्यमंत्री अजित पवार यांच्यासोबत झालेल्या एका व्हिडिओमुळे त्या विशेष चर्चेत आल्या. सध्या त्या सोलापूर जिल्ह्यात कायदा व सुव्यवस्था राखण्याचे काम करत असून त्यांच्या कार्यामुळे अनेक तरुणांना प्रेरणा मिळत आहे.
अंजना कृष्णा यांनी यूपीएससी परीक्षेत ३५५ वा क्रमांक मिळवला. केरळमधील तिरुवनंतपुरम येथे जन्मलेल्या अंजनाचे शालेय शिक्षण सेंट मेरी सेंट्रल स्कूल, पूजापुरा येथे झाले. त्यानंतर त्यांनी नीरमंकारा येथील एनएसएस कॉलेज फॉर वुमनमधून गणित विषयात बी.एससी. पदवी मिळवली.
अंजनाचे वडील बीजू कृष्णा हे कपड्यांचा छोटा व्यवसाय करतात, तर आई सीना न्यायालयात टायपिस्ट म्हणून कार्यरत आहेत. साध्या कुटुंबातून आलेल्या अंजनाने मेहनत आणि चिकाटीच्या जोरावर आयपीएस बनत अनेकांसाठी प्रेरणादायी उदाहरण निर्माण केले आहे.
