जळगाव: पोलीस वृत्त ऑनलाईन: घरकाम करत असताना तिसऱ्या मजल्यावरून पडल्याने मनीषा श्यामकांत बाविस्कर (३०, रा. श्रीरत्न कॉलनी, पिंप्राळा परिसर) यांचा मृत्यू झाला. ही दुर्दैवी घटना श्रीरत्न कॉलनीत शनिवार, २४ फेब्रुवारी रोजी घडली.
एस.टी. वर्कशॉपमध्ये नोकरीला असलेल्या मनीषा बाविस्कर या शनिवार, २४ फेब्रुवारी रोजी घरी काम करत असताना सकाळी साडे दहा वाजेच्या सुमारास तिसऱ्या मजल्यावरून खाली पडल्या. यात त्या गंभीर जखमी झाल्या. कुटुंबीयांनी व नागरिकांनी त्यांना तात्काळ खासगी रुग्णालयात दाखल केले. तेथे उपचार सुरू असताना दुपारी साडेबारा वाजता त्यांची प्राणज्योत मालवली
यासंदर्भात रामानंदनगर पोलिसांना माहिती मिळताच ते घटनास्थळी पोहचले.महिलेचा मृतदेह शवविच्छेदनासाठी शासकीय वैद्यकीय महाविद्यालय व रुग्णालयात आणण्यात आला होता. यावेळी कुटुंबीयांनी एकच आक्रोश केला. या प्रकरणी रामानंदनगर पोलिस ठाण्यात अकस्मात मृत्यूची नोंद करण्यात आली आहे.
महिलेचे पती सैन्यात मनीषा यांचे पती श्यामकांत हे सैन्यदलात जवान असून त्रिपुरा येथे देशसेवा करत आहेत. जळगावात दोन मुले, सासू, सासरे यांच्यासह मनीषा राहत होत्या. शनिवारी सकाळी काम करत असताना खिडकीतून त्या खाली पडल्या.
त्यात गंभीर जखमी झाल्याने उपचारादरम्यान त्यांचा मृत्यू झाला. पती देशसेवेसाठी सीमेवर असताना घरी पत्नीवर काळाने झडप घातल्याने परिसरातील नागरिकांनी व नातेवाईकांनी
