पोलीस वृत्त ऑनलाईन: शाळेच्या सहली या धम्माल, मजा मस्तीसह शैक्षणिक उद्दिष्टांसह सुद्धा आयोजित केलेल्या असतात. अर्थात काही खोडकर विद्यार्थी या निमित्ताने अनेकदा प्रॅन्क करून चर्चेत येतात.
शाळेत होणारे विविध सांस्कृतिक कार्यक्रम अथवा सहल या वेळी शिक्षक- शिक्षकांचं मुख्य काम असतं ते म्हणजे या मुलांना आवरणे, त्यांना शिस्त लावणे किंवा त्यांना मजा- मस्ती करतानाही काहीतरी शिकता येईल असे पाहणे, पण आता व्हायरल होणाऱ्या काही फोटोंमध्ये विद्यार्थी व शिक्षिकेचा भलताच अंदाज समोर आला आहे.
कर्नाटकाच्या चिंतामणी तालुक्यातील एका गावातील एका सरकारी शाळेच्या मुख्याध्यापिकेने शैक्षणिक सहलीच्या दरम्यान एका पुरुष विद्यार्थ्यासह केलेल्या कथित गैरवर्तनाबद्दल चौकशीची मागणी करण्यात आली आहे. या घटनेने पालकांमध्ये संतापाची लाट उसळली असून, शिक्षिकेवर तातडीने कारवाई करण्याची मागणी होत आहे.
प्रवासादरम्यान काय घडले?
विविध मीडिया रिपोर्ट्सनुसार, या दौऱ्यादरम्यान, पुष्पलथा या मुख्याध्यापिकेने SSLC मध्ये शिकणाऱ्या एका अल्पवयीन मुलासह अनुचित वर्तन केल्याचे समजतेय, तिच्या मोबाइल फोनवर त्याच्यासह रोमँटिक फोटो काढल्याचे सुद्धा दिसत आहेत. सोशल मीडियावर पटकन व्हायरल झालेल्या काही फोटोंमध्ये मुख्याध्यापिका हायस्कूलच्या विद्यार्थ्यासह रोमँटिक पोझमध्ये दिसत आहे. फोटोमध्ये विद्यार्थी शिक्षिकेचे चुंबन घेताना, तिला मिठी मारताना आणि तिच्या साडीचा पदर
पालकांनी शाळेला सुनावलं..
हा प्रकार उघडकीस आल्यानंतर पीडित विद्यार्थ्याचे पालक घाबरले आणि त्यांनी तातडीने पुष्पलथा यांची शाळेत भेट घेतली. या घटनेमुळे संतप्त झालेल्या त्यांनी गटशिक्षण अधिकारी (बीईओ) यांच्याकडे तक्रार केली आणि मुख्याध्यापिकेच्या वर्तनाची सखोल चौकशी करण्याची मागणी केली. पालक पुष्पलथावर त्वरीत कारवाई करण्याचे आवाहन करत आहेत. या घोटाळ्यामुळे शैक्षणिक सहलींदरम्यान विद्यार्थ्यांच्या सुरक्षिततेबद्दल आणि आरोग्याबाबत चिंता निर्माण झाली आहे, शाळेच्या व्यवस्थापनाला जबाबदारीने वागण्याची गरज आहे असेही काही पालकांनी म्हटले आहे. असं असलं तरी व्हायरल होणाऱ्या फोटोंमध्ये विद्यार्थी सुद्धा मुख्याध्यापिकेसह कुठल्याही संकोचाशिवाय मिठी मारताना, पोज देताना दिसत आहे यावरून कदाचित या मुलावर जबरदस्ती झाली नसावी असेही अंदाज बांधण्यात येत आहेत. या प्रकरणी शाळेकडून अद्याप कोणतीही प्रतिक्रिया देण्यात आलेली नाही.
