मुंबई: पोलीस वृत्त ऑनलाईन– मामाकडे रहायला आलेल्या १६ वर्षांच्या भाच्यावर ४० वर्षांच्या मामीने लैंगिक अत्याचार केल्याची धक्कादायक घटना मुंबईत घडली आहे. या प्रकरणी पोलिसांनी पोक्सो कायद्यांतर्गत ४० वर्षांच्या महिलेवर गुन्हा दाखल केला आहे.
याबाबत मिळालेली माहिती अशी की, १६ वर्षांचा मुलगा त्याच्या मामाकडे ताडदेव इथं रहायला आला होता. मात्र याठिकाणी मामीने त्याच्यावर अत्याचार केले. मार्च महिन्यापासून मामी १६ वर्षीय भाच्यावर लैंगिक अत्याचार करत होती. त्याला जेवण देत नव्हती. तसंच मारहाणसुद्धा करत होती.(Food was not served. She was also beating him.)
१६ वर्षांचा मुलगा मूळचा उत्तर प्रदेशचा आहे. तो मुंबईत मामाकडे राहण्यासाठी आला होता. या १६ वर्षीय मुलाला मारहाण करून मामीने त्याच्यावर लैंगिक अत्याचार केले. मार्च महिन्यापासून त्याच्यावर लैंगिक अत्याचार केल्याचा आरोप असून आता पोलिसात गुन्हा दाखल झाला आहे.
मामीने मुलावर दोन वेळा लैंगिक अत्याचार केले. त्याला मारहाण करत गावी पाठवून देईन अशीही धमकी दिली. शेवटी मुलाने हा सर्व प्रकार आईला सांगितला. यामुळे कुटुंबियांना मोठा धक्का बसला. त्याच्या कुटुंबियांनी मुंबईत येत पोलिसात तक्रार दाखल केली. या प्रकरणाचा अधिक तपास ताडदेव पोलीस करत आहेत.
