अमळनेर: पोलीस वृत्त ऑनलाईन– तालुक्यातील निम गावातून एक धक्कादायक घटनां सामोर आली आहे ३३ वर्षीय विवाहित तरूणाचा शेतात झोपेतच मृत्यू झाला याबाबत मारवड पोलिसांत अकस्मात मृत्यूची नोंद करण्यात आली आहे.
अमळनेर तालक्यातील निम येथील वासुदेव रामसिंग पाटील उर्फ लोटण (वय ३३) हा आई वडिलांसह कळमसरे रस्त्यावरील शेतात निंदणीसाठी गेला होता. दुपारी त्याचे आईवडील घरी आले मात्र तो निंदनी कामासाठी शेतातच थांबून होता. साडेचार वाजले तरी वासुदेव परत आला नाही म्हणून त्याची आई त्याला पाहण्यासाठी गेली असता तो शेतातील झाडाखाली झोपलेला आढळून आला. त्याला उठवले असता तो उठत नसल्याने त्याला आजूबाजूच्या शेतकऱ्यांना बोलवून त्यास गाडीत टाकून अमळनेर येथील ग्रामीण रुग्णालयात नेले असता डॉक्टरांनी त्यास मृत घोषित केले. त्याच्या पश्चात आई, वडील, पत्नी व पाच वर्षाचा मुलगा असा परिवार आहे. रणछोड पाटील यांच्या खबरिवरून मारवड पोलीसात अकस्मात मृत्यूची नोंद करण्यात आली असून पुढील तपास पो ना मुकेश साळुंखे करीत आहेत.
