भडगाव: पोलीस वृत्त ऑनलाईन– भडगाव तालुक्यातील एक खळबजनक घटना समोर आली आहे. गौडगाव येथील बालिका दि. ३० रोजी बेपत्ता झाल्याची तक्रार भडगाव पोलीस स्टेशनला दाखल करण्यात आली होती. तिचा मृतदेह गोंडगाव येथील गोठ्यात कडबा कुट्टीच्या ढिगाऱ्यात मिळून आला. रात्री उशिरा घटनास्थळी पोलिसांचा ताफा दाखल झाला आहे.
मिळालेल्या माहितीनुसार, गोंडगाव येथील कल्याणी संजय पाटील(Kalyani Sanjay Patil) ही सात वर्षाची बालिका बेपत्ता झाल्याची तक्रार तीन दिवसांपूर्वी सायंकाळी ३० रोजी भडगाव पोलीस स्टेशनला देण्यात आली. या बालिकेचा घटनेचा तपास सुरू असतानाच मंगळवारी गोठ्यात कडबा कुट्टीच्या ढिगाऱ्यात तिचा मृतदेह सापडला. याबाबत मोठी खळबळ उडाली ही माहिती मिळताच घटनास्थळी सहाय्यक पोलिस अधीक्षक रमेश चोपडे, पोलिस उपविभागीय अधिकारी अभयसिंग देशमुख, पोलीस निरीक्षक राजेंद्र पाटील, सहाय्यक पोलीस निरीक्षक चंद्रसेन पालकर, कजगाव पोलीस मदत केंद्राचे छबुलाल नागरे, नरेंद्र विसपुते, भडगाव पोलिस स्टेशनचे पोलिस कर्मचाऱ्यांनी तातडीने भेट देऊन चौकशी सुरू केली आहे.
