जळगाव: एरंडोलकडून कासोदाकडे जात असताना अंजनी धरणाजवळ रस्त्यावर आर्थिक गुन्हे शाखेच्या पथकाचा गाडीवर अचानक झाड कोसळल्याने चालकासह सहाय्यक पोलीस निरीक्षकाचा मृत्यू झाल्याची घटना गुरुवारी २९ जून रोजी रात्री ९ वाजेच्या सुमारास घडली आहे. या दुर्घटनेत इतर तीन कर्मचाऱ्यांना देखील दुखापत झाली आहे. सर्व जखमींना एरंडोल ग्रामीण रुग्णालयात दाखल करण्यात आले आहे.
पोलीस सूत्रांकडून मिळालेली माहिती या घटनेत वाहनातील आर्थिक गुन्हे शाखेचे सहायक पोलिस निरीक्षक सुदर्शन दातीर व चालक अजय चौधरी यांचा मृत्यू झाला असून चंद्रकांत शिंदे, नीलेश सूर्यवंशी, भरत जेठवे हे देखील जखमी झाले आहेत.
आर्थिक गुन्हे शाखेचे हे पथक पिलखोड येथील एका प्रकरणी तपासासाठी जात असल्याचे समोर आले आहे.
