अमळनेर:- तालुक्यातील मांडळ येथून २८ वर्षीय महिला बेपत्ता झाल्याची फिर्याद पतीने मारवड पोलिसांत दिली आहे.
याबाबत अधिक माहिती अशी की, सदर कुटुंबीय मूळचे बडवाणी येथील असून सध्या तालुक्यातील मांडळ सालदारकी करून उदरनिर्वाह चालवत आहेत. दिनांक ३ एप्रिल रोजी दुपारी ३ वाजता फिर्यादी घरी गेला असता पत्नी दिसून न आल्याने त्याने मुलांना विचारले असता आई चारा आणायला गेली असल्याचे सांगितले. मात्र दिवस उलटून ही पत्नी घरी न आल्याने आजूबाजूच्या परिसरात व नातेवाईकांकडे शोध घेतला असता काहीच तपास न लागल्याने पोलीसात तक्रार दिली आहे. कमल सिमा शंकर पावरा याच्या फिर्यादीवरून मारवड पोलीसात बेपत्ता झाल्याची नोंद करण्यात आली असून पुढील तपास मपोकॉ रेखा भरत ईशी ह्या करीत आहेत.
