भुसावळ : प्रतिनिधी
तालुक्यातील सुकळी येथे ट्रकने दुचाकीला कट मारला. या अपघातात दुचाकीवरील चार वर्षांची मुलगी ठार झाल्याची घटना १४ फेब्रुवारीला दुपारी दीड वाजेच्या सुमारास घडली. याबाबत मीराबाई भरत विसावे (वय ३५,रा.मांडवे बुद्रुक ता.जामनेर) यांनी मुक्ताईनगर पोलिस ठाण्यात फिर्याद दिली.
मिळालेली माहिती अशी कि, १४ फेब्रुवारीला दुपारी दीड वाजेच्या सुमारास सुकळी गावाच्या रस्त्यावर ट्रक (क्रमांक आरजेजीए.८५०८) वरील चालक गिरधारीलाल मेघवाल (रा.राजस्थान) याने फिर्यादीचा मुलगा विजय हा चालवत असलेल्या दुचाकीला (क्रमांक एमएच-१९.डीझेड.९५५४) कट मारला. त्यात अपघात होऊन फिर्यादीची भाची वेदिका अमोल तायडे (वय ४ वर्षे, रा. नांद्रा हवेली, ता.जामनेर) जिल्हा मागील चाकात येऊन गंभीर जखमी झाली. त्यात तिचा मृत्यू झाला. याप्रकरणी गिरधारीलाल मेघवाल याच्याविरुद्ध मुक्ताईनगर पोलिसात गुन्हा दाखल झाला. पाेलिस त्याचा तपास करत आहेत.
