भुसावळ: पोलीस वृत्त ऑनलाईन शहरातून मालेगावकडे जाणाऱ्या ट्रकचा एलसीबीच्या पथकाने पाठलाग करून ५०० किलो गांजा हस्तगत केला असुन कारवाई झाल्याने परिसरात मोठी खळबळ उडाली आहे.
याबाबत अधिक माहिती अशी की, स्थानिक गुन्हा अन्वेषण शाखा अर्थात एलसीबीने (Lcb) आज भुसावळ शहरात मोठी कारवाई केली आहे. यात भुवनेश्वर येथून मालेगावकडे जाणाऱ्या आयशर ट्रकमधून गांजा जात असल्याची माहिती एलसीबीच्या पथकाला मिळाली होती. या अनुषंगाने एलसीबीचे प्रमुख किसनराव नजन-पाटील यांनी पथक नियुक्त केले होते.
या पथकाने भुसावळ शहरात सापळा रचून सदर ट्रकला थांबविण्याचा प्रयत्न केला. मात्र तो ट्रक थांबला नाही. यामुळे पथकाने सिनेस्टाईल पाठलाग करून ट्रक अडवली. यात या ट्रक मध्ये इलेक्ट्रीक सामान टेंन्ट चे सामाना खाली प्लास्टीक पिशव्यामध्ये लपऊन ठेवलेला त्यात तब्बल ५०० किलोच्या वर सुकलेल्या अवस्थेतील गांजा आढळुन आला आहे.या गांजाचा बाजारभाव सुमारे ७५ लाखांपेक्षा जास्त इतका सांगितला जात असुन दोघांना अटक करण्यात आली आहे. या प्रकरणी पोलिसात गुन्हा नोंदविण्याची प्रक्रिया सुरू होती.
