चोपडा तालुक्यातील रेल मारुती मंदिराजवळ आज दुपारी समोरून येणाऱ्या दुचाकीला ट्रकने जोरदार धडक दिल्यामुळे दोन जणांचा म्हणजे मामा भाचीचा जागीच मृत्यू झाला. मयतांमध्ये सहा वर्षीय चिमुरडीचा समावेश आहे.
सविस्तर माहिती अशी की आज दुपारच्या तीन वाजेच्या सुमारास चोपडा रोड वरील रेल मारुती मंदिरासमोरील वळणावर चोपड्याकडून धरणगावच्या दिशेने जाणारी दुचाकी (क्र. एमएच 19 सीएच 5174) ला समोरून येणारा ट्रक (क्र. एचआर 56 बी 4688) ने जोराने धडक दिल्याने या अपघातात एक सहा वर्षीय चिमुरडी विधी कोळी जागीच ठार झाल्याचे कळते. तर दुचाकी चालक आबा कोळी (रा. दहिदुले ता. धरणगाव) आणि एक महिला गंभीर जखमी आहे तर दीड वर्षीय चिमुकला मात्र, सुखरूप असल्याचे कळते. अपघाताची माहिती मिळतात चोपडा पोलिसांनी घटनास्थळी धाव घेत जखमींना चोपडा उपजिल्हा रुग्णालयात दाखल केले. या अपघातामुळे दुतर्फा वाहतूक काही काळासाठी प्रभावी झाली होती. दरम्यान, शेवटची वृत्त हाती आले तेव्हा जखमी महिलेला जळगाव हलविण्यात आले होते. तसेच मयत हा आपल्या बहिणीला घेऊन विरवाडे ता. चोपडा येथून आपल्या घरी जात होता, असेही कळते. शेवटचे वृत्तहाती आले तेव्हा घटनास्थळी सपोनि संतोष चव्हाण, पोहेकॉ प्रदीप राजपूत, पोहेकॉ जितेंद्र चव्हाण, पोकॉ प्रमोद पवार, पोना हेमत कोळी कर्मचारी पुढील कार्यवाही सुरु केली
