अमळनेर: अमळनेर धुळे रस्त्यावर मंगरुळ जवळ भीषण अपघात अज्ञात वाहनाच्या धडकेने शिरूड येथील एका ३४ वर्षीय तरुण जागीच ठार झाल्याची धक्कादाय घटना आज सायंकाळी ६:३० वाजेच्या सुमारास घडली.
याबाबत सविस्तर वृत्त असे की, अमळनेर ता शिरूड येथील जितेंद्र नारायण मोरे (वय 34 ) हा सेंटरिंग कामावर मजुरीचे काम करीत होता. काम आटोपुन घरी जात असताना मंगरुळ ता. अमळनेर येथील गायत्री मंदिराजवळ त्याच्या मोटरसायकल ला अज्ञात वाहनाने मागून धडक दिली. यात त्याच्या डोक्याला जबर मार लागल्याने तो जागीच ठार झाला. अपघातस्थळी असणाऱ्या नागरिकांनी त्याला शवविच्छेदनासाठी ग्रामीण रुग्णालयात दाखल केले. मयत जितेंद्र मोरे च्या पश्यात आई, मोठा भाऊ व बहीण असा परिवार आहे. अतिशय होतकरू व कष्टाळू युवकाचा अपघाती मृत्यू झाल्याने संपूर्ण परिसरात हळहळ व्यक्ती होत आहे. शिरुड पो.पा विश्वास महाजन यांनी दिलेल्या फिर्यादीवरून अमळनेर पोलिसात अज्ञात वाहनधारकाविरुद्ध गुन्हा दाखल करण्यात आला असून पुढील तपास पोलीस करीत आहेत
