पुणे: जिल्ह्यातील एक धक्कादायक प्रकार उघडकीस आला आहे. हडपसर येथील शेवाळवाडी मध्ये दोन बाल मैत्रिणींनी आत्महत्या केल्याच्या घटनेने खळबळ उडाली आहे. एकीने गळफास घेतला आणि तिला रुग्णालयामधून घेऊन जातानाच त्याच ठिकाणी दुसरीने इमारतीच्या पाचव्या मजल्यावरून उडी मारुन आत्महत्या केली.
पोलिसांनी दिलेल्या माहितीनुसार, सानिका हरिश्चंद्र भागवत (वय- 19 ) आणि आकांक्षा औदुंबर गायकवाड (वय- 19) अशी आत्महत्या केलेल्या दोन मैत्रिणींची नावं आहे. शेवाळवाडी गावातील जिल्हा परिषदेच्या शाळेजवळ क्रिस्टल सोसायटी या इमारतीत सायंकाळी साडेसात वाजेच्या सुमारास ही घटना घडली.
आकांक्षा व सानिका या दोघीही मैत्रिणी होत्या. सात वाजण्याच्या सुमारास सारिका हिने राहत्या घरी साडीने गळफास लावून आत्महत्या केली.
सानिकाने गळफास घेतल्याचे कळताच कुटुंबीयांनी तातडीने याची माहिती पोलिसांनी दिली. त्याच भागात गस्तीवर असलेल्या पोलिसांनी लगेच घटनास्थळी धाव घेतली. पोलिसांनी दार तोडून सारिकाचा मृतदेह खाली उतरवला. तिचा मृतदेह पोलीस रूग्णवाहिकेमध्ये घेऊन जात होते.
सारिकाचा मृतदेह रुग्णावाहिकेमधून घेऊन जात असताना तिची जिवलग मैत्रीण आकांक्षाने पहिले. आपल्या मैत्रिणीने आत्महत्या केल्याची तिला मोठा काळजाला धक्का बसला. त्यानंतर आकांक्षाने त्याच इमारतीच्या पाचव्या मजल्यावरन उडी घेतली.
पाचव्या मजल्यावरून पडल्यामुळे गंभीर जखमी झाल्याने आकांक्षाचाही मृत्यू झाला. अचानक घडलेल्या घटनेमुळे परिसरात एकच गोंधळ उडाला. दोन्ही मुलींच्या पालकांचा आक्रोश काळीज पिळवाटून टाकणार होता. सानिकाने आत्महत्या करण्यासारखे पाऊल का उचलले याचे कारण समजू शकले नाही. या प्रकरणाचा पोलीस अधिक तपास करत आहे.
