जळगाव:- शहापूर बुऱ्हाणपूर महामार्गावर ट्रक आणि ऑटो रिक्षाच्या झालेल्या भीषण अपघातात 4 जणांचा मृत्यू तर 7 जण गंभीर जखमी झाल्याची घटना आज सकाळी शहापूर जवळ घडली. याबाबत सविस्तर माहिती की आज मंगळवारी सकाळी विद्यार्थ्यांनी भरलेली एम.पी 68 आर 1245 या क्रमांकाची ऑटो रिक्षा शहापूर येथे असलेल्या पॉलिटेक्निक कॉलेज येथे जात असताना समोरून भरधाव वेगाने येणाऱ्या आयसर गाडीने रिक्षाला धडक दिली या भीषण अपघातात रिक्षा चालकासह 4 विद्यार्थ्यांचा जागीच मृत्यू झाला तर 7 जण गंभीर जखमी झाले आहेत. घटनेची माहिती मिळताच शहापूर पोलीस ठाण्याचे अधिकारी व कर्मचारी घटनास्थळी दाखल झाले असून माहिती घेण्याचे काम सुरू आहे. जखमींना बुऱ्हाणपूर येथील जिल्हा सामान्य रुग्णालयात उपचारासाठी दाखल करण्यात आले आहे.
