अमळनेर:- शहरात अवैधरित्या बनावट दारु तयार करण्याचा चालता फिरता कारखाना काही इसमांकडुन चालवला जात असुन सदरचे इसम हे तीन ते चार तासात स्पिरीट पासुन बनावट दारु तयार करत असल्याची पक्की खबर मिळाली असता आज पथकतील अधिकारी व अंमलदार हे जानवे ता. अमळनेर शिवारात गेले असता तेथे दोन इसम हे १,४१,१२०/- रु. कि.च्या ४२ बॉक्स प्रत्येक बॉक्स मध्ये ४८ बाटल्या अश्या एकुण २०१६ बनावट दारुच्या बाटल्या व बनावट दारु बनविणे करीता लागणारे साहीत्यासह मिळुन आले आहेत व याबाबत अमळनेर पोलीस स्टेशनला गु.र.न. ३७३/२०२२ भा.द.वि. कलम ३२८,३४ म. दारुबंदी अधि. १९४९ चे कलम ६५ (ई) प्रमाणे गुन्हा दाखल करण्यात आला आहे व आरोपी नामे- १) दिनेश प्रभाकर भावसार रा. पाटील गढी, भालेराव नगर, अमळनेर व आरोपी २) भटु वसंत पाटील रा. जानवे ता. अमळनेर (शेतमालक) अशांना गुन्ह्यांकामी अटक केली आहे. सदर गुन्ह्यांचा तपास पोउनि. श्री. गंभीर शिंदे हे करीत आहेत.
सदरची कार्यवाही मा. पोलीस अधिक्षक श्री. प्रविण मुंढे सो, मा. अपर पोलीस अधिक्षक श्री. रमेश चोपडे सो., मा. उपविभागीय पोलीस अधिकारी श्री. राकेश जाधव सो. यांच्या सुचना व मार्गदर्शनाने पो. नि. श्री. जयपाल हिरे पोउनि श्री गंभीर शिंदे, पोना/ कैलास शिंदे, पोना/हितेश चिंचोरे, पोना / योगेश महाजन, पोकाँ/ भुषण पाटील व पोकों/सुनिल पाटील अश्यांच्या पथकाने केली आहे.
