अमळनेर – पोलीस वृत्त न्यूज : गावचा न्याय करणारा, गावात ग्रामपंचायतीचे डोंब उडवणारा आणि एकेकाळी सरपंचाच्या खुर्चीत बसून वाक्याला वजन देणारा तो माजी सरपंच आता स्वतःच्या कृत्यामुळे हलाखीत आला आहे. प्रेमाच्या धुंदीत वयाचं भान हरपलेल्या या माजी सरपंचाची अवस्था आज “गावात जायचं तर शहरात यायचं कसं?” अशा कोड्यात अडकलेल्या प्रवाशासारखी झाली आहे.
ग्रामस्थ सांगतात, “दिवसा माणूस लुप्त होतो आणि अंधार पडल्यावरच घर गाठतो. एवढा अनुभव घेऊनही हा पायरी पायरीवर अडखळतोय, हे पाहून आम्हीही थक्क झालोय.”
केलेल्या प्रेमकांडाने गावात खळबळ उडाली असून, कुजबुज एवढी जोर धरते आहे की सध्या चहाच्या टपरीवर क्रिकेट कमी आणि सरपंचबाबा जास्त चर्चेत आहेत.
दरम्यान, स्वतःलाच आता अंगलट येईल याची जाणीव झाल्याने माजी सरपंचानी गावातील मध्यस्थांना बोलावून “पुढं असं होणार नाही” अशी थरथरत्या आवाजात हमी दिल्याचे कळते. मात्र गावकरी म्हणतात, “सरपंचबाबा, ही हमी आधी दिली असती तर आज ही भलतीकडे चर्चा झाली नसती.”
गावोगावी या प्रेमकांडाची चवीनं चर्चा रंगली असून, माजी सरपंचांच्या प्रतिमेला चांगलाच धक्का बसला आहे.
संपादक: रजनीकांत पाटील 8788441234
