अमळनेर: पोलीस वृत्त ऑनलाईन न्यूज तालुक्यातील एका माजी सरपंचांवर काही दिवसांपूर्वी सुरू झालेल्या बातमी मालिकेने तालुक्यातील गावागावांत रंगत आणली आहे. त्यांचे लाळघोटेपण, प्रेमप्रकरणे आणि लफडी आता उघडकीस येऊ लागल्याने चर्चा चांगलीच पेटली आहे.
“हाच माझ्या गावचा तर नाही ना?” अशी शंका अनेकांना येऊ लागली असून वातावरणात तणाव आणि बीपी वाढल्यासारखे चित्र दिसते. बातमीत कुठल्याही नावाचा वा गावाचा उल्लेख नसतानाही ती थेट माजी सरपंचांच्या छातीत टोचल्यासारखी झाली. ज्याने काय केलं असतं त्यालाच नीट कळलं की “हे आपल्याबद्दलच आहे.”
पण अडचण अशी की — आता समोर कसे यायचे? लेखणी थांबवायची कशी? समाजाला काय सांगायचे? कारण बदनामीचा डाग आधीच लागला आहे. आणखी तोंड उघडलं तर अजून पोल उघडेल, ही भीती त्याला पोखरत आहे.
यावर पडदा टाकण्यासाठी आणि बातमी रोखण्यासाठी सरपंचाने गावातील दोन-तीन जणांना हाताशी धरून थेट पोलीस वृत्त न्यूज पर्यंत संपर्क साधला. गावातील काही नागरिकांनी प्रतिक्रिया देत सांगितले की, “दादा, बातमी आमच्या गावाशी निगडित आहे, म्हणून हा खेळ चाललाय. तो आमच्यातलाच आहे,” अशी भावना गावकऱ्यांत आहे.
तरीसुद्धा वास्तव असे की, तालुक्यात तब्बल 100 पेक्षा अधिक ग्रामपंचायती आहेत आणि बातमीत कुठल्याही गावाचा उल्लेख नाही. तरीही ती सरपंचालाच लागू पडली. “ज्याच्या घरात खाल्ले त्याच घरात किडे पाडले” अशी परिस्थिती निर्माण झाल्याने तो आता अधिकच बिदरला आहे.
यावरून गावात अजून एक टोमणा जोर धरतोय — “ज्याच्या घरचं खाल्लं, त्याच घरात लफडे केलं; पण ते घरचे एवढे सोपे नाहीत, ते माजी सरपंचाला गुडघ्याच्या वाट्या फोडल्याशिवाय सोडणार नाहीत!” अशी भीतीच आता माजी सरपंचाच्या डोक्यावर घोंगावत आहे.
दिवसाढवळ्या न दिसणारे माजी सरपंच आता अंधार पडल्यानंतरच घर गाठतात. कुठे खातात, कुठे पितात याचं कोडं लोकांमध्ये रंगलं आहे. पुढे या नाट्याचा शेवट कसा होणार, हे वाचकांना पोलीस वृत्त न्यूज अपडेट मधून समजतच राहील. (संपादक रजनीकांत पाटील 8788441234)
