अमळनेर : पोलीस वृत्त ऑनलाइन न्यूज पारोळा पोलिसांनी सापळा रचून अफूची तस्करी करणाऱ्या आरोपीला पकडले. त्याच्याकडून १३ लाख १७ हजार ४७२ रुपयांचा १६४ किलो वजनाचा अफू, १३ गोण्या, २० लाख रुपयांचा एक व १५ लाख रुपयांचा असा दोन ट्रक, तसेच २ लाख ५५ हजार ४७० रुपये रोख रक्कम असा एकूण ५० लाख ८२ हजार ९४२ रुपयांचा मुद्देमाल जप्त करण्यात आला. या प्रकरणी शैतानाराम मानाराम बिष्णोई (वय ३४, रा. ढाणीया बालेसर, जि. जोधपूर, राजस्थान) याला अटक करण्यात आली आहे.
🟩 पारोळा येथील राष्ट्रीय महामार्ग क्र. ५३ वर म्हसवे गावाजवळील रामदेव राजस्थानी ढाबा येथे अफूची देवाणघेवाण होणार असल्याची माहिती पोलीस निरीक्षक अशोक पवार यांना मिळाली होती. त्यानुसार एपीआय योगेश महाजन, अमोल दुकळे, डॉ. शरद पाटील, सुनील हटकर, महेश पाटील, प्रवीण पाटील, संजय पाटील, संदीप सातपुते, निलेश साळुंखे, मिथुन पाटील, भूषण पाटील, आशिष गायकवाड, तुषार सोनवणे, अजय बविस्कर, आकाश पाटील, अभिजित पाटील, देवेंद्र धरवडे, सुनील पाटील व गोपाळ पाटील यांच्या पथकाने ८ सप्टेंबर रोजी सापळा रचला होता.
शरद पाटील यांच्या फिर्यादीवरून गुन्हा दाखल करण्यात आला असून आरोपीला न्यायालयात हजर केले असता सात दिवसांची पोलिस कोठडी देण्यात आली आहे.
