पाचोरा:–दि. 5 सप्टेंबर 2025 भारताचे माजी राष्ट्रपती, तत्त्वज्ञ आणि महान शिक्षणतज्ज्ञ डॉ. सर्वपल्ली राधाकृष्णन यांच्या जयंतीनिमित्त देशभर साजऱ्या होणाऱ्या शिक्षक दिनाचे औचित्य साधून एम. एम. कॉलेज, पाचोरा येथे तृतीय वर्ष सायन्स, वाणिज्य आणि कला शाखेच्या विद्यार्थ्यांनी उत्साहपूर्ण कार्यक्रमाचे आयोजन केले.
कार्यक्रमाची सुरुवात “एक पेड गुरु के नाम” या अभिनव उपक्रमाने झाली. या उपक्रमांतर्गत वृक्षारोपण करून विद्यार्थ्यांनी शिक्षकांप्रती कृतज्ञता व्यक्त केली.
कार्यक्रमाला प्रमुख पाहुणे म्हणून पाचोरा तालुका सहकारी शिक्षण संस्थेचे व्हाईस चेअरमन नानासाहेब व्हि टी जोशी उपस्थित होते. कार्यक्रमाचे अध्यक्षस्थान महाविद्यालयाचे प्राचार्य डॉ. शिरीष पाटील यांनी भूषवले. तसेच मंचावर उपप्राचार्य डॉ. जे. बी. पाटील, डॉ. शरद पाटील यांची उपस्थिती लाभली.
आपल्या मार्गदर्शनपर भाषणात प्रमुख पाहुणे व्ही. टी. जोशी म्हणाले की, “विद्यार्थ्यांचे चारित्र्य घडवण्यात शिक्षकांचा अनमोल वाट असतो आणि त्यांच्यामुळेच समाजाला योग्य दिशा मिळते.”
शिक्षक मनोगतात उपप्राचार्य डॉ. जे. व्ही. पाटील, डॉ. माणिक पाटील तसेच प्रा. जयश्री वाघ मॅडम यांनी आपली मनोगते व्यक्त केली. तर विद्यार्थी मनोगतात समाधान कलमे, समीक्षा सोनवणे, किमया क्षीरसागर, चेतना हिरे यांनी शिक्षकांविषयी कृतज्ञता व्यक्त केली.
यावेळी विद्यार्थ्यांनी सर्व शिक्षकांचा सन्मान केला. डॉ. जे. डी. गोपाळ सर, डॉ. के. एस. इंगळे सर, डॉ. एस. बी. तडवी सर, प्रा. एस. टी. सूर्यवंशी सर, प्रा. डॉ. वाय. बी. पुरी सर, प्रा. डॉ. क्रांती सोनवणे मॅडम, प्रा. डॉ. शारदा शिरोळे मॅडम यांच्यासह महाविद्यालयातील सर्व प्राध्यापक, शिक्षक, शिक्षकेत्तर कर्मचारी आणि विद्यार्थी मोठ्या संख्येने उपस्थित होते.
हा कार्यक्रम यशस्वी करण्यासाठी प्राध्यापक स्वप्निल भोसले सर आणि जयश्री वाघ मॅडम यांचे विशेष सहकार्य लाभले. सूत्रसंचालन गायत्री क्षीरसागर व आभार प्रदर्शन चेतना हिरे यांनी केले
