जळगाव: पोलीस वृत्त ऑनलाईन जळगाव तालुक्यातील माहिजी रेल्वेस्टेशन नजीक धावत्या रेल्वेतून पडल्याने अनोळखी ४० ते ४५ वर्षीय व्यक्तीचा मृत्यू झाल्याची घटना बुधवारी २० सप्टेंबर रोजी दुपारी १२ वाजेच्या सुमारास घडली आहे. याबाबत जळगाव लोहमार्ग पोलीसात अकस्मात मृत्यूची नोंद करण्यात आली आहे. मयताची ओळख पटविण्याचे आवाहन रेल्वे पोलीसांनी केले आहे.
रेल्वे पोलीसांकडून मिळालेली माहिती अशी की, जळगाव तालुक्यातील माहिजी रेल्वे स्थानक जवळील रेल्वे खंबा क्रमांक ३८५ / १३ जवळ कोणत्यातरी धावत्या रेल्वेतून पडल्याने एका अनोळखी ४० ते ४५ वर्षीय व्यक्तीचा जागीच मृत्यू झाल्याची घटना बुधवारी २० सप्टेंबर रोजी दुपारी १२ वाजेच्या सुमारास घडली आहे. याबाबत माहिजी रेल्वे स्टेशन प्रबंधक यांनी या घटनेची माहिती जळगाव रेल्वे पोलीसांना देण्यात आली. त्यानुसार पोलीसांनी घटनास्थळी धाव घेवून पंचनामा केला. व मृतदेह जिल्हा शासकीय वैद्यकीय महाविद्यालयात रवाना करण्यात आला. यात मयताची कोणतीही ओळख पटलेली नाही. याबाबत जळगाव रेल्वे पोलीस ठाण्यात अकस्मात मृत्यूची नोंद करण्यात आली आहे. मयताची ओळख पटविण्यासाठी नातेवाईकांना जळगाव रेल्वे पोलीसांशी संपर्क साधावा असे आवाहन केले आहे. पुढील तपास पोलीस नाईक हिरालाल चौधरी हे करीत आहे.
