चोपडा: तालुक्यातील घटना आपल्या काकांच्या घरी देवाच्या नवसाचा कार्यक्रम असल्याने या कार्यक्रमात नाचताना भोवळ येऊन खाली पडला आणि या तरुणाचा जागीच मृत्यू झाला आहे. विशेष बाब म्हणजे, हा तरुण आपल्या चुलत भावाच्या लग्नाचा वाढदिवस साजरा करून त्या कार्यक्रमाला गेला होता. ही दुर्दैवी घटना गुरुवारी पहाटे साडेतीन वाजेच्या सुमारास चोपडा शहरातील रामपुरा, पारधीवाडा येथे घडली आहे. संदीप निळकंठ चव्हाण(sandip nilkantha chawhan) (वय २४) असं मयत तरुणाचं नाव आहे.
चोपडा शहरातील रामपुरा (पारधीवाडा) येथे संदीप चव्हाण हा आपल्या कुटुंबासह वास्तव्यास होता. गुरुवारी संदीप चव्हाण याच्या काकांकडे गावातच देवाच्या नवसाचा कार्यक्रम होता. या ठिकाणी रात्रभर धार्मिक गाण्यांचा कार्यक्रम सुरू होता. याच कार्यक्रमात धार्मिक गाण्यांवर संदीप नाचत होता.
. याच कार्यक्रमात धार्मिक गाण्यांवर संदीप नाचत होता. पहाटे साडेतीन वाजेच्या सुमारास नाचता नाचता संदीपला अचानक चक्कर आले आणि तो जमिनीवर पडला. त्याला तात्काळ कुटुंबियांनी चोपडा उपजिल्हा रुग्णालयात दाखल केले. मात्र, रुग्णालयात पोहचण्यापूर्वी फार उशीर झाला होता. संदीपने जगाचा निरोप घेतला होता. चोपडा उपजिल्हा रुग्णालयातील डॉ. प्रसाद पाटील यांनी संदीप यास मृत घोषित केले.
संदीपच्या अचानक जाण्याने मित्रपरिवारासह नातेवाईकांमध्ये हळहळ व्यक्त केली जात आहे. मयत संदीपचे चोपडा उपजिल्हा रुग्णालयात शवविच्छेदन करण्यात येऊन गुरुवारी दुपारी साडेबारा वाजेच्या सुमारास शोकाकुल वातावरणात अंत्यसंस्कार करण्यात आले. मयत संदीप याच्या पश्चात आई, वडील, भाऊ, बहीण असा परिवार आहे.
