मुक्ताईनगर : प्रतिनिधी
तालुक्यातील कुन्हा – मुक्ताईनगर रस्त्यावर इच्छापूरनजीक मोटरसायकल व चारचाकी वाहनात अपघात झाला. यात निमखेडी बुदूक येथील तरुण ठार तर दुसरा गंभीर जखमी झाला. ही घटना सोमवारी दुपारी साडेबारा वाजेच्या सुमारास घडली.
मिळालेली माहिती अशी कि, निखिल गजानन सोनवणे (१९) असे या ठार झालेल्या तरुणाचे तर गौरव श्रीकृष्ण सपकाळे (१८) हा गंभीर जखमी झालेल्या तरुणाचे नाव आहे. गौरव यास उपचारासाठी जळगाव येथील खासगी रुग्णालयात हलवण्यात आले आहे. मुक्ताईनगर पोलिसात वाहन चालक ज्ञानेश्वर कोळी याच्याविरुद्ध गुन्हा दाखल करण्यात आलेला आहे. तपास कॉ. विनोद सोनवणे करीत आहेत.
