चाळीसगाव : प्रतिनिधी
शहरालगत असलेेल्या नांदगाव रोडवरजवळील पाटखडकी जवळ साईनाथ पेट्रोल समोर दोन दुचाकीच्या समोरासमोरा झालेल्या धडकेत दोघांचा जागीच मृत्यू झाला. तर एक जण गंभीर जखमी आहे. हि घटना दि,१५ रोजी दुपारी घडली असून याप्रकरणी चाळीसगाव पोलीस स्टेशनला रात्री उशिरापर्यंत कुठल्याही प्रकारची नोंद नव्हती.
मिळालेली माहिती अशी की, योगेश आनंदा जाधव(४७) व विजय नारायण सोनजे(६३) दोघे रा.नांदगाव हे दोघे त्यांच्या दुचाकीने चाळीसगाव नांदगाव रोडवरुन नांदगावहुन चाळीसगावकडेे येत असता समोरुन चाळीसगावकडून नांदगावकडे नाना रामचंद्र वाघ(५८) रा.परधाडी, ता.नांदगाव हे देखील दुचाकीने जात असताना, तालुक्यताील पाटखडकी गावाजवळ साईनाथ पेट्रोल पंपाच्या समोर दोघांच्या दुचाकीची समोरासमोर जबरदस्त धडक झाली. यात दुचाकीचा पुढील भागाचा अक्षशा; चेंदामेंदा झाला.
या झालेल्या अपघातात योगेश आनंद जाधव व नाना रामचंद्र वाघ याना जबर मार लागल्याने, दोघांचाही जागीच मृत्यू झाला. तर दुचाकीच्या मागे बसलेले विजय नारायण सोनजे हे गंभीर जखमी झाले असून त्यांना उपचारासाठी खाजगी रुग्णालयात दाखल करण्यात आले आहे. या गंभीर अपघाताची चाळीसगाव पोलीस स्टेशनला रात्री उशिरापर्यंत कुठल्याही प्रकारची नोंद नव्हती.
