नाशिक- (पोलीस वृत्त ऑनलाईन) जोडीदाराच्या विरहात जीवण जगणे कठीण होते. अनेकजण कोलमडून पडतात तर काहीजण त्यातून उभे राहतात. या घटनेने मात्र नाशिक जिल्ह्यात हळहळ व्यक्त होत आहे.
साविस्तर वृत्त असे की वारकरी संप्रदायात सक्रीय सहभाग असणारे हिरामन पंढरीनाथ देवरे (hiraman pandharinat devre) यांचं निधन झालं, निधनाची बातमी ऐकताच पत्नीला देखील धक्का बसला अन् हृदयविकाराचा झटका आला आणि त्यात त्यांचेही निधन झाले अवघ्या तासाभरात पती पत्नीचे निधन झाल्याने कुटुंबालाही मोठा जोरदार धक्का बसला आहे. तर या बातमीने संपूर्ण जिल्ह्यात हळहळ व्यक्त केली जात आहे. तासाभरात पतीपत्नीचा मृत्यू वारकरी हिरामन देवरे यांच्यावर आठ दिवसांपासून नाशिकच्या एका खाजगी रुग्णालयात उपचार सुरू होते, त्याच दरम्यान रविवारी दुपारी 2 वाजेच्या सुमारास हृदयविकाराच्या तीव्र धक्क्याने त्यांचं निधन झाले.
ही बातमी त्यांच्या गावी उमराणे येथे असलेल्या त्यांची पत्नी विमलबाई देवरे यांना समजली. अचानक पतीच्या निधनाची बातमी ऐकल्याने त्यांना मोठा धक्का बसला. पतीच्या जाण्याने अश्रु अनावर होत असताना त्यांची तब्येत खालावली आणि त्यांचाही त्यात मृत्यू झाला. या घटनेने संपूर्ण उमराणे गावावर शोककळा पसरली आहे.
घटनेने संपूर्ण गावावर शोककळा या घटनेने देवरे कुटुंबावर हा दुख:चा डोंगर कोसळला आहे. देवरे दोघे दाम्पत्याच्या मृतदेहावर अंत्यसंस्कार हे उमराणे येथे एकाच वेळी करण्यात आले. उपस्थित असलेल्या प्रत्येक व्यक्तीचे डोळे पाण्याने भरून आले. देवरे कुटुंब हे वारकरी संप्रदायातील असल्याने दिंडीत त्यांचा मोठा सहभाग असायचा.
एकाच्या जाण्याने दुसऱ्याचं जगणं कठीण होत असतं. अनेकांना जोडीदाराचा विरह सहन होत नाही. अशावेळी पतीच्या निधनाचा धसका घेऊन पत्नीनेही प्राण सोडल्याने अनेकांना धक्का बसला आहे.
