अमळनेर (पोलीस वृत्त ऑनलाईन) तालुक्यातील एक खळबळजनक घटना घडली आहे तरूणाच्या अंगावरून ट्रॅक्टर चालवल्याने त्याचा मृत्यू झाला सात वाजेच्या सुमारास बाब उघडकीस आली. जयवंत यशवंत कोळी (वय ३६) असे मयत तरुण शेतकऱ्याचे नाव आहे.
(Amalmer) अमळनेर तालुक्यातील मांडळ येथेघटना घडली घडली असून, हा घात की अपघात याबाबत पोलिस तपास करत आहेत. दरम्यान या घटनेतील दोषींवर कारवाई करावी याबाबत आज मयत शेतकऱ्याचा मृतदेह घेत नातेवाईकांनी थेट अमळनेर तहसील कार्यालयात नेल्याने मोठी खळबळ उडाली.
मांडळ येथे भाल्या नाला परिसरात शेती असलेले जयवंत यशवंत कोळी ( jaywant yashwant Koli)(वय ३६) हे रात्री शेतात पाणी देण्यासाठी गेले होते. सकाळी त्यांच्या अंगावरून ट्रॅक्टर नेल्याने ते गंभीर जखमी झाल्याची माहिती एकाने कळवली. यानंतर नातेवाईक आणि इतर लोकांनी प्रथम स्थानिक डॉक्टरांकडे उपचारसाठी नेले. मात्र प्रकृती गंभीर असल्याने त्यांना धुळे जिल्हा सरकारी रुग्णालयात नेण्यात आले. तेथे नेल्यावर थोड्या वेळात त्याचा मृत्यू झाला.
दरम्यान दोन दिवसांपूर्वी जयवंत कोळी यांनी अवैध वाळू वाहतूकदारांना रोखण्याचा प्रयत्न केला होता. त्यातून वाद निर्माण झाले होते. तक्रारी करूनही महसूल खात्याचे अवैध वाळू वाहतुकीकडे दुर्लक्ष झाल्याने जयवंतचा जीव गेल्याची तालुक्यात चर्चा आहे.
