मोठी बातमी ! – राज्यात पुढील तीन दिवसात मुसळधार पावसाचा अंदाज

बंगालच्या उपसागरात कमी दाबाच्या पट्ट्या निर्माण झाल्यामुळे हवामान विभागाने राज्यातील विविध भागात पुढील तीन दिवसात मुसळधार पावसाची शक्यता वर्तवली आहे.

कोकणासह पश्चिम महाराष्ट्रात आणि विदर्भाच्या काही भागात मुसळधार पावसाचा अंदाज व्यक्त केला आहे

काय सांगितले हवामान विभागाने ?

कोकणातील रायगड, रत्नागिरीसह सिंधुदुर्ग या जिल्ह्यांत 22 ऑगस्टपर्यंत मुसळधार पावसाचा अंदाज आहे. त्याचबरोबर ठाणे, पालघरसह मुंबईच्या विविध भागात हलक्या ते मध्यम स्वरुपाच्या पाऊस पडणार

तसेच पश्चिम महाराष्ट्राच्या पुणे, कोल्हापूर, सातारा या जिल्ह्यात 22 ऑगस्टपर्यंत पावसाची शक्यता आहे. तर उत्तर महाराष्ट्राच्या नाशिक, नंदुरबार जिल्ह्यात हलक्या सरी बरसण्याची शक्यता आहे.

२१ आणि २२ ऑगस्टला – विदर्भाच्या चंद्रपूर, गडचिरोली, बुलढाणा, गोंदिया, नागपूर या जिल्ह्यांमध्ये मुसळधार पावसाचा अंदाज आहे – तर अकोला, अमरावतीसह वर्धा जिल्ह्यात मध्यम स्वरुपाच्या पावसाची शक्यता आहे.

याव्यतिरिक्त मराठवाड्यातील जालना, हिंगोली, नांदेड, परभणी या जिल्ह्यांमध्ये मध्यम पावसाचा अंदाज हवामान विभागाने वर्तवला आहे.