पोलीस वृत्त ऑनलाईन: उत्तर प्रदेशच्या लखनऊमधील मोहनलालगंज येथील धनुवासद गावात १४ वर्षीय यश कुमार (Yash Kumar) या सहावीच्या विद्यार्थ्याने ऑनलाइन गेमिंगच्या व्यसनामुळे आत्महत्या केली. यशने फ्री फायर या गेममध्ये अडकून त्याच्या वडिलांच्या बँक खात्यातून १३ लाख रुपये गमावले होते.
घटनेनंतर कुटुंबाला याबाबत कल्पनाही नव्हती. पैसे गायब झाल्याची माहिती मिळाल्यानंतर यश घाबरला आणि टेरेसवरील खोलीत गळफास घेतला. रात्री याची बहीण वरच्या खोलीत गेली असता तिने त्याला फाशीवर लटकलेले पाहिले. कुटुंबीयांनी तातडीने रुग्णालयात नेले असता डॉक्टरांनी(doctor) त्याला मृत घोषित केले.
यशच्या वडिलांनी सांगितले की, “माझ्या खात्यात ११ लाख रुपये होते आणि त्याने काही अतिरिक्त पैसे खर्च करून गेममध्ये गमावले. त्याने मला काहीही सांगितले नव्हते.” यशला मोबाईलवर गेम खेळण्यापासून अनेकदा रोखले गेले होते, तसेच शिक्षकांनीही समजावून सांगण्याचा प्रयत्न केला, पण तो गेमचे व्यसन सोडू शकला नाही.
हा प्रकार ऑनलाइन गेमिंगच्या व्यसनामुळे युवकांवर होणाऱ्या गंभीर मानसिक परिणामाचे धक्कादायक उदाहरण आहे.
