जळगाव : शहरातील मेहरुणमध्ये गणेश विसर्जन मिरवणुकीला गालबोट लागले. महापौर जयश्री महाजन यांच्या घरावर दगडफेक झाल्याची घटना रात्री पावणे अकरा वाजता घडली.
मेहरुण मधील ‘एक गाव एक गणपती’ व जय श्रीराम मित्र मंडळाची मिरवणूक जात असताना एक गाव एक गणपती मंडळाचे काही कार्यकर्ते जय श्रीराम मंडळाच्या मिरवणूक सहभागी झाले व त्यातील काही तरुणांनी महापौर जयश्री सुनील महाजन यांच्या घरासमोर गुलालाची उधळण करून त्यांच्या घरावर गुलाल व दगडफेक केली. यामुळे दोन गट समोरासमोर आले.
या घटनेला राजकीय वादाची किनार असल्याचे सांगितले जात आहे. घटनास्थळावर पोलिसांचा मोठा बंदोबस्त ठेवण्यात आलेला असून मिरवणूक थांबवण्यात आली आहे. मिरवणुकीतील कार्यकर्त्यांनी दगडफेक केल्याने महापौरांच्या घरासमोरच ही मिरवणूक थांबवण्यात आली आहे. या भागात तणाव निर्माण झाला आहे. याबाबतचे महापौर यांनी संताप व्यक्त केला घरावर दगळफेक, गुलाल उधळत फटाके घरावर फेकण्यात आले हा गणेशोत्सवाचा कोणता प्रकार आहे. मेहरून परिसर हा संवेदनशील परिसर असून या ठिकाणी पोलीस हजर न होते. कायदा व सुव्यवस्था जिल्ह्यात शिल्लक आहे का? जर जळगाव शहराचे प्रथम नागरिक महापौरांच्या घरावर जर हल्ला होत असे प्रकार होत असेतील तर सामान्य नागरिकांच काय? या याबाबत महापौरांनी पोलिसांवर थेट आरोप केले आहेत. याची सखोल चौकशी करावी असे महापौर जयश्री महाजन यांनी सांगितले.
