जळगाव प्रतिनिधी । धावत्या रेल्वेचा धक्का लागल्याने जखमी झाले त्या ६५ वर्षीय माजी सैनिकाचा उपचारादरम्यान मृत्यू झाल्याची घटना घडली आहे. याबाबत लोहमार्ग पोलीस ठाण्यात अकस्मात मृत्यूची नोंद करण्यात आली आहे.
प्रकाश नारायण पाटील माजी सैनिक (वय ६५) रा. राधाकृष्ण नगर. जळगाव असे मृत वृध्दाचे नाव आहे.
याबाबत अधिक माहिती अशी की, प्रकाश पाटील हे शनिवारी ३ सप्टेंबर रोजी सकाळी ११ च्या वाजेच्या सुमारास सुरत रेल्वे गेट क्रमांक १४८ जवळ रेल्वे रूळ क्रॉस करत असतांना बैरानी एक्सप्रेसचा त्यांचा जोरदार धक्का बसला. त्यांच्या पायाला गंभीर दुखापत झाली. रेल्वे गेट परिसरात असलेल्या नागरिकांनी तातडीने धाव घेतली. लोहमार्ग पोलीस किशोर पाटील यांच्यासह अन्न नागरिकांनी त्यांना तातडीने जिल्हा शासकीय वैद्यकीय महाविद्यालयात उपचारार्थ दाखल करण्यात आले. दरम्यान, दुपारी ४ वाजता उपचारादरम्यान, त्यांचा मृत्यू झाला आहे. याप्रकरणी लोहमार्ग पोलीस ठाण्यात अकस्मात मृत्यूची नोंद करण्यात आली आहे. याघटनेचा पुढील तपास पोलीस हेडकॉन्स्टेबल रविंद्र ठाकूर आणि किशोर पाटील करीत आहे.
