अमळनेर:- शालेय विद्यार्थ्यांना घरबसल्या अभ्यास करता यावा यासाठी व्हावेल्स फोर पीपल्स असोसिएशन अर्थात VOPA या संस्थेने व्हि स्कूल ॲप तयार केले आहे. त्याअंतर्गत महाराष्ट्रात कानाकोपऱ्यात राहणारा प्रत्येक विद्यार्थी घर बसल्या आपल्या इयत्तेचा अभ्यास करू शकतो. व स्वतःच्या ज्ञानाचा खजिना अद्यावत करू शकतो. त्यासाठी साने गुरुजी विद्यालयाची गणित शिक्षक डी ए. धनगर यांनी स्वतःचा पाठ तयार करून त्या ॲपवर अपलोड केला आहे. त्यासाठी त्यांचा जळगाव या ठिकाणी जिल्हाधिकारी अभिजीत राऊत, तत्कालीन पालकमंत्री गुलाबराव पाटील, जळगाव जिल्हा परिषदेचे पंकज आशिया, शिक्षणाधिकारी नितीन बच्छाव, प्राथमिक शिक्षणाधिकारी विकास पाटील यांच्या उपस्थितीत जळगाव येथे सन्मान झाला होता. श्री डी ए धनगर यांना तालुकास्तरावर आमदार अनिल दादा पाटील यांच्या हस्ते प्रमाणपत्र वितरित करण्यात आले. यावेळी कवयित्री बहिणाबाई चौधरी उत्तर महाराष्ट्र विद्यापीठाचे माजी कुलगुरू शिवाजीराव पाटील, गटशिक्षणाधिकारी एस पी चव्हाण, गटविकास अधिकारी शिंदे साहेब, अमळनेर शिक्षण प्रसारक मंडळाचे सचिव संदीप घोरपडे, शिक्षण विस्तार अधिकारी बर्डे मॅडम व पी डी धनगर साहेब, पी एच पाटील, संजय पाटील, उमेश काटे,आर आर सोनवणे, डी के पाटील,दिपक महाजन तसेच तालुक्यातील सर्व विज्ञान शिक्षक हजर होते.
