पोलीस वृत्त- न्यूज नेटवर्क राज्यातील एसटी कर्मचाऱ्यांसाठी आनंदाची बातमी आहे.. एसटी कर्मचाऱ्यांच्या भवितव्यासाठी, तसेच एसटी महामंडळाला नवसंजीवनी देण्यासाठी शिंदे सरकारने (shinde Sarkar)मोठा निर्णय घेतला आहे. राज्य सरकारने एसटी महामंडळासाठी 100 कोटींचा निधी मंजूर केला असून, त्यामुळे एसटी कर्मचाऱ्यांचे पगार वेळेवर होणार असल्याचे सांगण्यात आले..
ठाकरे सरकारने सादर केलेल्या 2022-23 च्या अर्थसंकल्पात एसटी महामंडळासाठी 1450 कोटी रुपयांची तरतूद केली होती.. त्यातील 300 कोटी रुपये एप्रिलमध्ये, तर 360 कोटी रुपये मे महिन्यातील वेतनासाठी देण्यात आले आहेत. आता शिंदे सरकारने जून महिन्यातील पगारासाठी 100 कोटी रुपयांचा निधी देण्याचा निर्णय घेतला आहे. एसटी कर्मचाऱ्यांना जूनचा पगार देण्यासाठी महामंडळाला 360 कोटी रुपयांची गरज आहे..
शासनाकडे 1200 कोटींचे देणे
दरम्यान, याबाबत एसटी कर्मचारी संघटनेचे अध्यक्ष संदीप शिंदे म्हणाले, की राज्य सरकारने एसटी कर्मचाऱ्यांसाठी 100 कोटी दिल्याबद्दल आभार…पण, आम्हाला एकतर्फी पगारवाढ दिली होती, त्याचे 48 हप्ते संपले आहेत. त्यामुळे गेल्या दोन-तीन महिन्यांपासून आमचे पगार 3 ते 4 हजारांनी कमी झालेत.
